歐霸盃 留力鬥車?紅魔放軟手腳遭逼和-Firstr 資料站

歐霸盃 留力鬥車?紅魔放軟手腳遭逼和

作者:Caroline    發表日期:2017-06-02 10:23:02

曼聯周四歐霸8強,作客比甲安德列治,雖然有MK仔米希達利恩入波,但係完場前畀主隊追和,最後只可以1:1握手言和。不過,紅魔手上有一個作客入球,次回合又喺主場應戰,首回合和波都可以收貨。

紅魔今場繼續唔出有心求去嘅門神迪基亞,由羅美路把關。上半場好快就控制戰局,拉舒福特出個靚波,伊巴篤射畀門將擋出,連格補射中柱,錯失領先良機。紅魔攻咗大半個上半場,終於喺37分鐘由米希達利恩執個靚雞,率先打開紀錄,仲得到一個寶貴嘅作客入球。

安德列治換邊後加強攻勢,一度令到紅魔門前風聲鶴唳,可惜就搵唔到埋門一腳,不斷錯失機會。紅魔唔知係咪留力準備今周日英超鬥車路士,下半場放慢咗腳步,進攻冇咁銳利,係保羅普巴近距離射門比較有威脅,但係射得太正畀門將擋出。

你一直唔入燕梳球,87分鐘就畀安德列治首次中龍就搞掂,丹當斯卡接應隊友靚爆傳中,衝埋去一頂,個波力道又勁又好角度,唔好話羅美路,就算係迪基亞把關都未必救到。最後雙方以1:1和波,下周四將會喺曼聯地頭奧脫福球場上演次回合。

東網體育同你追實體壇每個精彩時刻! 
http://bit.ly/2ecTF2A 


本文來源:http://hk.on.cc/hk/bkn/cnt/sport/20170414/bkn-20170414045456585-0414_00882_001.html




Tag:
本文鏈接:http://www.firstratelogistic.com/10532.html